هام وعاجل يرجى مشاركة جميع الأعضاء

اخوتي واخواتي الإداريين والمشرفين ... ممكن اعرف سبب حذف بعض ردوردي من قبلكم علما انها لا تسيئ لاي شخص ... بعدين كيف بتحذفو الرد وكأن شيئ لم يكن على الأقل اكتبو ملاحظة أو وجهو تنبيه ..... بعدين لما برد على اي موضوع وصاحب الموضوع نفسو ما بينزعج بالعكس وكمان الاعضاء ولا واحد اشتكى مني ... بعدين انا ما بتنازل ان اكتب رد غير لائق ... يعني بدي افهم انتوا كيف من حالكم بتقدروا انو والله هاللرد لازم ينحذف هيك دون اي مناقشة او تنبيه او او ...
اعتقد انو انا بفهم من الكلمة .. يعني اذا ما بدكون ياني اشارك بالمنتدى مو مشكلة قولولي وانا بوعدكون مابقى تشوفوني .
مع العلم انو هاد مو اول رد بينحذف .
ولكم جزيل الشكر . بس ممكن تناقشوني بهل الموضوع

ماشي خيو اذا اجاكم اي شكوى من اي عضو بالمنتدى مو بس احذفو ردي احذفو اسمي بالكامل بس اول شي اتأكدو ا....مو هيك كل مرة تحذفولي رد هاد مو حكي . ولكم مني فائق الاحترام

اوافقك الرأي اخ سيقفز..بتمنى من الاداريين مناقشة الموضوع وبكل صراحه
فمن حق اي عضو ان يفهم سبب حذف ردوده..على الاقل ليتجنب تكرار الخطأ الذي ارتكبه
اذا كان هناك خطأ وشكرا

أخ سي قفز انت تخرج عن إيطار المواضيع فكل قسم له خصائصه
تماماً مثل الشعروالخواطر الادبية
فعلينا ان نشارك المواضيع بلمثل ولانخرج عن إيطار الجدية إلى المزاح
فنحن نتأسف عن حذف الردود دون سابق إنذار نتأمل ان تستوعب الموضوع

هلا طالما هل المزح ما بيضر حدا ولا بيجرح حدا وين المشكلة ما بعرف .
والله مافيني كون جدي متل ما بدكون مافيني كون الا على طبيعتي انا المزح بدمي مشان هيك مابقى رد على اي موضوع بكتفي بقرائته فقط
بس فعلا يعطيك العافية

seqefz كتب:هلا طالما هل المزح ما بيضر حدا ولا بيجرح حدا وين المشكلة ما بعرف .
والله مافيني كون جدي متل ما بدكون مافيني كون الا على طبيعتي انا المزح بدمي مشان هيك مابقى رد على اي موضوع بكتفي بقرائته فقط
بس فعلا يعطيك العافية

يا اخ سي قفز الرد بمواضيع الشعر خاصةً اما الرد بلمثل أو بعض الكلمات الجميلة كشكر لصاحب الموضوع
بغض النظر عن المزاح فارجو المعزرة ردك كان من باب السخرية
اتمنى ان يكون وصلتك الفكرة
تحياتي

ممكن اعرف شو كان الموضوع

شان كتب:ممكن اعرف شو كان الموضوع

شان اقرئي الموضوع كلو و رح تعرفي شو القصة

انا قصدي الموضوع اللي انحذف منو الرد

انا ارى الاخ سيقفر هو استراحة المنتدى فكم نحن بحاجه الى مثل هذه الروح المليئه
بالمرح فكم اسعد بقراءة كتاباته يا اخ ابو هفال نحن بحاجة لامثاله ..فهو يضيف جوا جميلا
علينا وفعلا هو لا يجرح احد..
وحتى اعظم الروائيين والكتاب يضيفون في كتاباتهم ا هذه الروح الجميله
ارجو ان نتفهم صديقنا سيقفز ونتفهم طبيعته
وشكرا لتفهمك اخ ابو هفال
كمان بتمنى من اخ سيقفز يخفف شوي من خفة دمو الي مو بايدو
ويحاول تكون ردوده اكثر جديه وخاصة في المواضيع الجديه
وشكرا لتفهمك صديقي سيقفز