مقهى واسترحة الموقع

انا ما كنت بجي عل المقهى لانو ما فيها حكواتي هههههههههه بس رح اجي من هلا وبعد مشان ما يصير شي بصاحب المقهى

ههههههههههههههههه حلوة حكواتي هي
بس فكرة ظريفة يلا الدور عليك خبرنا قصة انت بتحبها
تكون ممتعه ومفيدة
لانو متل ما بتعرف عالم القصص ساحر وجميل
وبوعدك احكيلك قصة المرة الجايه بس اوعى تنام هههههههههههه

كان يا مكان كان في قطيع من الغزلان يحبو بعضون البعض كتير ومرة من المرات شافون غزال شارد وشاف الحب والود والصداقة بينهم فحب ينضم الون ووعدوه يبادلوه الحب والمودة والإخوة وهو بادلهم نفس الشي وكان يا حرام عايش مبسوط وعايش بأحلام وردية وفرحان لانو اجتمع بأصداقاء كان يحبون كتير وبيوم من الأيام وحش الغابة طرد هل الغزال برا الغابة ظلما واصدقائو يلي كان يحبون ما وقفو معو فزعل الغزال الشارد كتير مو من الوحش لأ ... لكن زعل من يلي كان محسبون صارو اصدقائو يلي كانوا عاملين حالون كتير مثاليين ............................. فراح هل الغزال وهو عم يتمتم ... الصداقة كنز لا يفنى .. الصداقة كنز لا يفنى ...

يسلمو كتير قصة بتاخد العقل ي الله
معناتوا كل يوم بدي امر على مقهى مشان
اتسمع على حكواتي
وبتشكرو كتير
سباس

اي والله شيرين بس صار بدنا لمة تبرعات مشان الحكواتي
لانو وضعوا المادي صعب شوي ههههههههههههههههه
وخاف يزعل ويبطل يجي على المقهى ويقوم يشفلو شي مقهى تاني

بتمنى تستخلصوا العبر والحكم من قصصي بالإضافة للفائدة والمتعة ههههههههههه وإلا رح يصير فيكون متل ما صار الغزال الشارد هههههههه مافي داعي للتبرعات اخت لورا مستورة والحمدلله
شيرين يسعدني قدومك للمقهى كل يوم بتشرفينا طاولتكون محجوزة انتي ولورا دايما أصلا كل المقهى طاولة وحدة هههههههههههه ترقبوا المزيد بعون الله

من ناحية استخلاص العبرة من القصة فنحن استخلصنا
الصداقة كنز لا يفنى بس يا اخي هل الغزال عنيد مية مرة قلتلو
لاتشرد وتبعد كتيروالله بضيع ههههههههههههههههه
بعدين يا حكواتي الله يخليك احكيلنا القصص اللي نهاياتها سعيدة
مو حزينه شوي تانيه بنتعقد هههههههههههههههههه
سؤال اخ سيقفز لمين هالصورة معلوماتي الرياضيه صفر
شكراااااااااااااااااالوجودك معنا بالمقهى

اولا بالعكس القصص الحزينة بتأثر أكتر وتانيا كويس استخلصتو انو الصداقة كنز لا يفنى بس انشالله قول وفعل وضلو محافظين على الصداقة وتالتا اذا الغزال حس بالظلم فهو ما رح يترجى بقية القطيع مشان يرجعلون لا هو بيفضل الموت على انو يترجى يلي كان مفكرون اصدقائو
المهم خلينا بالصورة هلأ هاي صورة اللاعب الأنكليزي ديفد بيكام وعلى فكرة للتنويه
لا كتير تكرري بردودك عبارة هههههههه لانو الغزال سبقك بهل العبارة كتير ونهايتو انتو بتعرفوها موعدنا بقصة انشالله تكون نهايتها سعيدة شكرا لمرورك

شكرا الك كتير اخ seqefz
انا كتير مستعجلة اسمع القصة منك والله
وراح نقدملك اطيب اكلة بتحبها شو رائيك
سباس

اي مو تكرم عينك أم الشوش ويسلمو على عزيمتك اكيد الطبخة من تحت دياتك غير شكل
وبدي من لورا تتكفل بالفواكه والحلويات لأنو دايما هي متابعة كتير لمطبخ المنتدى شو لورا موافقة؟

سباس اخ seqefz
ولوا ليش كم اخ عندنا تكرم عينك بتمنالك توفيق دائما
اي لورا وين فواكه وانا بحب كتير فواكة
سباس

شو شو شو شايفتكن اتفقتوا عليي......
يلا امري لله احلى حلويات واحلى فواكه لاحلى شيرين واحلى اخ سيقفز
بس انتبهوا لا تغصوا هااااااااا هههههههههههههههههههههههه
اي مية صحة وهنا

على قلبك اخت لورا يسلمو انتي وشيرين الأمورة انا بس شوف الفواكه يلي رح تجيبا لورا رح اتصور معها اول مرة ههههههههه بعدين باكلها
رح احكيلكم قصة حبيبين شاب كان يحب فتاة , تعب عليها وصرف وبيوم من الأيام شاف الفتاة مع شب تاني فأخذ يعاتبها رح نسمع عتاب الشاب وأيضاً جواب الفتاة له ......... ولورا وشيرين هن بيحكمو ا
هههههههههههههههههههههههههههههههههههههههههه هاي مقطع غنية لمحمود انور يمكن سمعانين الغنية حلوة والله اذا ما سمعتوها لهلأ رح ضب غراضي واطلع ههههههههههههه

هههههههههههههههههههه مين محمود انور؟؟؟؟؟؟؟؟؟؟؟
انا فيني احكيلكم عن فوائد الفواكه في قسم الصحة بس انتو حددوا
نوع الفاكهه........... اكتر من هيك انتو بتعرفوا الاسعار
هل اليومين هههههههههههههه

طيب انت برأيك شو هو الحل لازم نعرفوا ضروري ههههههههه
طيب اخ سيقفزي انا كتير مستعجلة على قصة ممكن تحكيلنا
سباس

والله هون مافي شي اسمو انا مستعجلة مو هيك لورا نحنا جايين هون لنروق مو مستعجلين هههههههههههههه بعدين اذا مستعجلة خدي تكسي هههههههههههه قديمة وبايخة بعرف ههههههههه

هون مقهى واستراحة الموقع يعني فعلا نحن جايين نروق
ونحكي لحتى نرتاح ونغيير جو
حابه احكي شغله زعجتني مبارحه .......كنا طالعين مشوار بين اشجار المطار
وكنا مبسوطين وفرحانين بس فعلا في ناس ما عندها احترام ,شباب تعبانه بلشت تشفط بالسيارة
على الرمل وغمرتنا بالغبرة والتوززههههههههههههه بالله شو هالتصرف شي بيزعج مو ؟؟
بس بصراحه انا فرحت لاني شفت حالي بيضه بيضه من الغبرة يا سلام ههههههههههههههه

يعني فعلا متل ما قلتي في بعض شباب بيخربو الجو
بس انشاء الله تنبسطي ولاتشوفي ضرر بحياتك يارب
بس ليش ما خبرتيني كنت اجيت معك ولو لورا ليش ما عزمتيني
على اقل كنت راح اساعدك هههههههههههههههه
بتمنالك كل خير حبيبتي
ولو تشوفي شباب بالطريق كل يوم لمى ارجع من دورة عن جد
شي بيطقق ياو ليش هن ما بيفكرو انو في عندون اخوات بطريق
غير يعلقوا على واحد هي اكره عادة فعلا 00000 الخ
سباس لورا
تحياتي

تسلمي شيرين ووعد المشوار الجايه انت معزومه اوكي ههههههه
بتعرفوا حابه احكي عن صديق بحترمه ,هو صحي الاب والام الهن حق علينا
بس الانسان لما بيعتني فيهم وبيتعب معهم لازم نقدرله هالتصرف ونمدح اخلاقه العاليه والانسانيه
صديقي هدا والده مريض وهوالابن الوحيد بالبيت وفعلا عم يتعب معه ويقدم لوالده كل مساعده
ولو على حساب شبابه حبيت وقف اليوم وقفة احترام لهذا الموقف الرائع وانا بفتخر باخلاق
صديقي العاليه.وبتمنى يكون قدوة لكل شبابنا مع احترامي للجميع..........

أصدقائي صديقاتي سأغيب عنكم لمدة اسبوع او أكثر وسأغيب عن عالم النت ايضا يعني ماسنجر كمان مافي ههههههههههههههههههههههههه وذالك لأسباب خاصة هي ليست بالحلوة ولا بالمرة يعني وسط هههههههه
ارجو ان لا تقلقلو علي هاد اذا قلقتو طبعا .....بس كل واحد بحاجة إلى فترة يختلي بها مع نفسه
يمكن اغيب اسبوع او اكتر او يمكن بالمرة شهرين تلاتي اربع ما بعرف المهم ديرو بالكن على حالكن بااااااااااااااااااااااااااااااااااااااااااااااي

طيب مع السلامة اخ سي قفز
وانا كمان بدي قلكون انو انا ايضا سوف اغيب الى اللقاء
ههههههه
منيح اللي ذكرتنا اخ سي قفز

تحياتي لكم جميعا أعضاء الموقع
أنا اجيت على مقهى وحبيت أشرب فنجان قهوة بس ما شفت حدا هنيك
والله نحن مشتاقين كتير وحبيت نحكي وندردش شوي شو آخر الأخبار بتمنى
تكونوا بصحة جيدة 0
مشتاقلكم يا أعضاء الموقع وينك يا أخ ماريوس يا ترى شو أخبارك وأنت أخ
فري مان والأخ روش زافي والأخ زورباا والأخ شيركو 0000
وأنت يا أخت سوزان اشتقنالك والله شو وينك بدنا نشوف حلقات ( ما لاتعرفونه )
سوزان بتمنى تكوني بصحة جيدة وبتمنى نشوفك اليوم قبل بكرة 0
وأنت نيشان وروكزانا ألي شفناها بين يوم ليلة راحت وما شفناها بدي أخبرك
انو قسم الثقافي محتا جلك بتمنى نشوفك يارب
يا ترى شو هو السبب بغيابكم لأني لحالي مليت بالمقهى هلا 00000
وأنت أخت لورا غالية ألي صارلها أسبوع حاسة بفراغ كبير من دونك أنا حاسة
صاير سبع سنين ومالي شايفك اشتقت لضحكة الحلوة ألي تزين منتدى
بتمنى من الكل خير وسعادة والتوفيق ديما
تحياتي لكم مع فائق احترامي لكم


سباس

أهلين اخت شيرين
إنشاء الله الكل يرجعولنا بسلامة
وعودة النشاط إلى المنتدى
وبشكر كل جهود الي بذلت في المنتدى
سباس اخت شيرين على هذه المبادرة الطيبة وبشكرك على جهودك
تحياتي.......

بتمنى والله اخ بافي هفال وترجع منتدى الغالي
متل الايام الحلوة الي راحت وبتمنى هيك شي
ياريت والله شو اخ سيقفزي ليش ما كتبت شي
ليكون زعلان
تحياتي لكم جميعا
سباس